გჭირდებათ ლოგოს ახალი დიზაინი? ჩვენ გეტყვით ყველაფერს, რაც უნდა გაითვალისწინოთ, სანამ დაიწყებთ ბრენდის იდენტურობის პროექტს.
ვინაიდან ამ ბლოგს კითხულობთ, ნიშნავს რომ ან დადგა დრო თქვენმა კომპანიამ რებრენდინგი განიცადოს, ან ეხლა ქმნით ახალ კომპანიას და ფიქრობთ რაღა თქმა უნდა ლოგოს შექმნაზე. სავარაუდოდ თავში მოგივათ უამრავი იდეა, რომელსაც განიხილავთ და ათასჯერ გადააკეთებთ. მაგრამ რა გადაწყვეტილებაც არ უნდა მიიღოთ აუცილელად დაგებადებათ კითხვა: რა განახვავებს კარგი დიზაინის ლოგოს სხვა დანარჩენი ბრენდებისგან? როგორ შევქმნათ ლოგოტიპი, რომელიც გადმოსცემს პროდუქტის არსს?
ჩვენ ვუპასუხებთ თქვენს ყველა კითხვას ლოგოს დიზაინის შესახებ. უბრალოდ გადადით სექციაში, რომელიც გაინტერესებთ ქვემოთ მოცემული ბმულების გამოყენებით.
თუ იდეა გჭირდებათ, გაეცანით ჩვენს პოსტს ლოგოს დიზაინის ინსპირაციასთან დაკავშირებით ან ყველა დროის 3-სიმბოლოიან საუკეთესო ლოგოებთან დაკავშირებით. გარდა ამისა, თუ გსურთ შექმნათ გასაოცარი ლოგოები სხვადასხვა მოწყობილობებისთვის, ასევე უნდა გაეცნოთ ლოგოს დიზაინის 5 საუკეთესო აპლიკაციას.
რატომ არის ლოგოს დიზაინი ასეთი მნიშვნელოვანი?
თქვენი ლოგოტიპი — არის თქვენი ბიზნესის პირველი კონტაქტი გარე სამყაროსთან. საუკეთესო ლოგოს დიზაინს სჭირდება დიზაინის უნარების ქონა, შემოქმედებითი თეორიისა და საექსპერტო პროგრამირების კომპლექსური ნაზავის ცოდნა.
ნებისმიერ კარგ დიზაინერს შეუძლია შექმნას ლოგო, რომელიც დასახულ მიზანს პასუხობს, მაგრამ რეალურად, ამ ხელობის ყველა ასპექტის ათვისებას დრო სჭირდება. რა თქმა უნდა, ლოგოს დიზაინი ბრენდინგის მხოლოდ ერთი მცირე ქვესიმრავლეა, მაგრამ ლოგო ან ბრენდი ბრენდების უმეტესობის ცენტრში რჩება. ყველამ ვიცით, რომ საზოგადოება ყველაზე ხშირად ხაზს უსვამს ბრენდის იდენტურობის ამ ნაწილს.
თუ გსურთ ნახოთ, ეს როგორ ხდება იქმნება, შეგიძლიათ წაიკითხოთ სტატია ლოგოტიპის საუკეთესო დიზაინი.
დევიდ ეარის ლოგოს დიზაინის 10 ოქროს წესი
როდესაც ფიქრობთ ადამიანზე, რომელმაც გავლენა მოახდინა თქვენს ცხოვრებაზე, შეგიძლიათ წარმოიდგინოთ, როგორ გამოიყურება ის. ასეა ბრენდებიც, რომლებსაც ხშირად ვყიდულობთ. ჩვენ შეგვიძლია მარტივად გამოვსახოთ ლოგო, იქნება ეს პროდუქტი, კომპანია თუ მომსახურება.
ოდესღაც მხოლოდ რამდენიმე კომპანია მოქმედებდა კონკრეტულ ბაზარზე ან ნიშაში. ახლა შეიძლება ასობით, შესაძლოა ათასობით იყოს. აქედან სულ ყველა პოტენციური მყიდველის ყურადღებისთვის იბრძვის, ყველას სურს, რომ ჯერ მათ შევხედოთ. ეს ქმნის ბრენდების მზარდ მოთხოვნილებას ვიზუალურად განსხვავდებოდნენ ერთმანეთისგან, რათა არ აურიონ კონკურენტები ერთმანეთში. სწორედ ლოგოს ფორმა, ფერი, სტილი არის ყველაზე მნიშვნელოვანი, რითიც უნდა განვასხვავოთ ბრენდები ერთმანეთისგან. ამიტომ კატეგორიულად ვეწინააღმდეგები შაბლონური ფორმების გამოყენებას, რომელიც ათასობით და შეიძლება ითქვას მილიონობით ყრია ინტერნეტ სივრეში.
ეს დიფერენციაცია მიიღწევა კორპორატიული იდენტურობის დიზაინის საშუალებით — ელემენტების სერია, რომლებიც ერთად მუშაობენ ჩვენს გონებაში გამორჩეული სურათის შესაქმნელად. კომპანიის მიხედვით, ბრენდინგი შეიძლება შეიცავდეს ფორმებს, საავტომობილო გრაფიკას, სავიზიტო ბარათებს, პროდუქტის შეფუთვას, ფოტოგრაფიის სტილს, ყავის ჭიქებს, ბილბორდებს და ბევრ სხვა ელემენტს, მათ შორის ვებ — გვერდზე შრიფტების არჩევას.
“როდესაც რაღაცას ვუყურებთ, თავიდან არ ვკითხულობთ. უპირველეს ყოვლისა, ჩვენ ვხედავთ ფორმას, ვხედავთ ფერს და თუ ეს საკმარისია ჩვენი ყურადღების მისაქცევად, ვკითხულობთ”
დევიდ აირი
მნიშვნელოვანია გვახსოვდეს, რომ როდესაც რაღაცას ვუყურებთ, ჯერ არ ვკითხულობთ მას. უპირველეს ყოვლისა, ჩვენ ვხედავთ ფორმას, ვხედავთ ფერს და თუ ეს საკმარისია ჩვენი ყურადღების მისაქცევად, ვკითხულობთ მას. ამრიგად, ნებისმიერ შემთხვევაში, კომპანიის მიუხედავად, ლოგო ბრენდის იმიჯის მცირე, მაგრამ მნიშვნელოვანი ელემენტია.
ჩვენი, როგორც დიზაინერების გამოწვევაა ბრენდის არსის გადაკეთება ფორმაში და ფერში, რომელიც, სავარაუდოდ შენარჩუნდება, რადგან გარეგნობა მნიშვნელოვან როლს ასრულებს ჩვენს ტვინში კავშირის ფორმირებაში იმას შორის, რასაც ჩვენ განვიცდით და ვისთანაც მას განიცდით (ბრენდი ). მრავალი თვალსაზრისით, კომპანიის ლოგო ჩვენი ახლობლების სახეს ჰგავს.
როდესაც ლოგო შესაბამისობაშია ბრწყინვალე პროდუქტთან და ის არსებობს ხანგრძლივი დროის განმავლობაში, ლოგო შეიძლება საბოლოოდ გახდეს კომპანიის ფასდაუდებელი აქტივი. Nike სიმბოლო, მაკდონალდსის ოქროს თაღები, Michelin კაცი, Mercedes- ის სამქიმიანი ვარსკვლავი, Woolmark სიმბოლო ეს მხოლოდ რამდენიმე ყველაზე ნათელი მაგალითია. მაგრამ ამ ყველაფრის მიღმა, როგორ მივცეთ ლოგოს მსგავსი სტატუსის მიღწევის საუკეთესო შანსი? ლოგოს ყველა წარმატებულ პროექტში უნივერსალური ნიშნებია გამოყენებული და მე მინდა გამოვყო რამდენიმე მათგანი, რაც ხელს შეუწყობს თქვენს მიერ შექმნილი ნიშნების ხარისხის გაუმჯობესებას.
1.ჩაყარეთ საძირკველი
დიზაინერად ყოფნის ერთ-ერთი ყველაზე საინტერესო რამ არის ის, რომ ყოველი ახალი პროექტის საშუალებით შეგიძლიათ ისწავლოთ ახალი რამ. ყველა კლიენტი განსხვავებულია და ერთსა და იმავე პროფესიაშიც კი, ხალხი სხვაგვარად ასრულებს თავის საქმეს.
თქვენი დიზაინის იდეაზე კონსენსუსის მიღწევის გასაადვილებლად, თქვენ თავიდანვე უნდა დაუსვათ კლიენტს სწორი კითხვები: რატომ ხართ აქ? რას საქმიანობთ და როგორ აკეთებთ ამას? რით განსხვავდებით სხვებისგან? ვისთვის ხართ აქ რას აფასებთ ყველაზე მეტად?
ეს კითხვები შეიძლება საკმაოდ მარტივად მოგეჩვენოთ, მაგრამ მათზე პასუხების გაცემა რთულია და შემდეგი კიტხვების დასასმელად უკვე ჩამოგიყალიბდებათ კონკრეტული აზრი ბრენდის შესახებ. იმას, რასაც პროექტის ამ ეტაპზე აღმოაჩენთ, დაგეხმარებათ განსაზღვროთ თქვენი დიზაინის ყველაზე ძლიერი მიმართულება.
2. დააფასეთ თქვენი ესკიზები
ჩანახატების ბლოკნოტის გამოყენება არის შესაძლებლობა, დაისვენოთ პიქსელების ნათელი ფერებისგან, რომლებიც ჩვენს ცხოვრებაში დომინირებს. რაც მთავარია, დიზაინის სხვადასხვა იდეის მოხაზვა შეიძლება ბევრად უფრო სწრაფი იყოს, თუ ჩვენს ხელებსა და ტვინს შორის არ არის ციფრული მოწყობილობა. ასე რომ, თუ ღამით გაიღვიძეთ ისეთი იდეით, რომლის დაკარგვაც არ გსურთ, საწოლთან ფანქარი და ქაღალდი ჩანახატის შენახვის შესანიშნავი გზაა. ესკიზირება ასევე აადვილებს ფორმების ზუსტად იქ განთავსებას, სადაც გსურთ — ყოველთვის იქნება დრო, რომ თქვენი ჩანახატები მოგვიანებით გააციფრულოთ (ხატვის დამატებითი რჩევებისათვის იხილეთ ჩვენი ბლოგი).
კლიენტებისთვის დიზაინის იდეების აღწერისას უკეთსიც კი იქნება ერთი ან მაქსიმუმ ორი ესკიზის გაზიარება გაციფრულებამდე. ასე უფრო ადვილი იქნება მისი აღქმა შრიფტებისა და ფერებისგან გავლენის გარეშე. მაგრამ ნუ წარუდგენთ ძალიან ბევრს — მხოლოდ საუკეთესო იდეები.
3. შავ-თეთრზე მუშაობა
თუ ფერს ყველაზე ბოლოს შემოინახავთ, ეს დაგეხმარებათ კონცენტრირება მოახდინოთ იდეაზე და ფორმის ფუნდამენტზე, და არა იმაზე, რისი შეცვლაც ყველაზე მარტივია . ცუდ იდეას ვერ გადარჩენთ საინტერესო პალიტრის ფერებით, მაშინ როცა კარგი იდეა იქნება საუკეთსო ფერების მიუხედავად. წარმოიდგინეთ ცნობილი სიმბოლო. იფიქრეთ ამ წუთას მასზე. ეს არის კონტურები და ფორმა, რომელიც პალიტრამდე წარმოგიდგებათ გონებაში. ეს არის ხაზები, ფორმები, იდეა, იქნება ეს ვაშლის ნაჭერი, სამი პარალელური ზოლი, ოთხი დაკავშირებული წრე ჰორიზონტალურ ხაზზე თუ სხვა რამ.
4. შეინარჩუნეთ აქტუალურობა
ნიშანი უნდა ემთხვეოდეს იმ იდეებსა და საქმიანობას, რომელსაც იგი წარმოადგენს. ელეგანტური შრიფტი უფრო მაღალი კლასის რესტორნისთვის უფრო შესაფერისია, ვიდრე ბაგა-ბაღისთვის. ელექტრული ვარდისფერი და ყვითელი პალიტრა არ დაეხმარება საადვოკატო ბიუროს მოიზიდოს კლიენტი და დაარწმუნის თავის პროფესიონალიზმში.
არ აქვს მნიშვნელობა სფეროს, თქვენ იცით, რომ სვასტიკის მსგავსი ნიშნის გაკეთება არ გამოდგება. რაც უფრო მნიშვნელოვანი იქნება თქვენი აზროვნება კონკრეტული დიზაინის მიმართ, მით უფრო ადვილი იქნება იდეის მიყიდვა შედეგამდე. და ეს ხშირად შეიძლება იყოს პროექტის ყველაზე რთული ნაწილი. დიზაინერები მხოლოდ დიზაინს არ ქმნიან. ისინი ასევე ყიდიან ამ დიზაინს.
5. არ დაგავიწყდეთ სიმარტივე
სიმარტივე ზრდის ცნობიერებას, განსაკუთრებით მაშინ, როდესაც ამდენი ბრენდი კონკურენციას უწევს ერთმანეთს და ფანტავს ადამიანის ყურადღებას. თუ გსურთ, ადამიანებმა დაიმახსოვრონ ბრენდის ლოგო ერთი შეხედვით, გამოიყენეთ მარტივი კონტურები, რაც შეუძლებელია ძალიან დეტალური დიზაინის შემთხვევაში. ბრენდი უნდა იყოს კონცენტრირებული კონცეფციაზე — ჰქონდეს ერთი “ისტორია” — და უმეტეს შემთხვევაში უნდა იყოს მარტივი ფორმის. ეს იმიტომ არის საჭირო, რომ ლოგოს სხვადასხვა ზომაში და მრავალფეროვან პროგრამაში უწევს დამუშვება, ვებ გვერდიდან დაწყებული ბრაუზერის ზოლით დამთავრებული, ნიშნების შესაქმნელად. რომ აღრაფერი ვთქვათ ტექსტილზე ბეჭდვა-ქარგვაზე.
6. ისწრაფე განსხვავებულობისაკენ
როდესაც თქვენი კლიენტის ყველა სხვა კონკურენტები იყენებენ განსაზღვრულ ტიპოგრაფიის სტილს, ან ერთი და იგივე პალიტრას, ან სიმბოლოებს, ან ლოგოს შემდეგ მარცხნივ განათვსებენ ტექსტს, გააკეთეთ და შექმენით განსხვავებული რამ. ეს გაძლევთ დიდ შესაძლებლობას, განასხვავოთ თქვენი მომხმარებლები მასისგან.
მაგრამ ეს განსხვავება ბაზარზე სულაც არ ნიშნავს, რომ თქვენი სამუშაო გამარტივდება, რადგან ამ ნაბიჯის გადასადგმელად გაბედული კლიენტია საჭირო. თქვენი პორტფოლიოს და ფანტაზიის გამოყენებით საბოლოდ მიხვალთ თქვენთვის სასურველ შედეგებამდე და საბოლოოდ შექმნით წარმატებულ და გამორჩეულ ლოგოს.
7. განვიხილოთ ფართო იდენტურობა
იშვიათია, რომ ლოგო შქმნათ იზოლირებულად, ვებ გვერდის, სავიზიტო ბარათის, სასმელის მენიუს ან აპის აიკონის კონტექსტის გარეშე. ამიტომ, როდესაც პრეზენტაციას ატარებთ კლიენტისთვის უნდა გადაფაროს მრავალი შესაბამისი სენსორული წერტილი, რათა აჩვენოთ, თუ როგორ გამოიყურება ლოგო, როდესაც პოტენციური კლიენტები ხედავენ. ეს დაგეხმარებათ ნაბიჯის გადადგმაში უკან, რათ გადახედოთ სივრცით სურათს, დაათვალიეროთ სად ხართ, როგორია თქვენი გარემოცვა.
დიზაინის თვალსაზრისით, დიდი სურათი არის ყველა პოტენციური ელემენტი რომელზეც შეიძლება გამოჩნდეს ლოგო. ყოველთვის გაითვალისწინეთ, თუ როგორ მუშაობს კომპანიის მესიჯები, ტქსტები, შეტყობინებები და ნებისმიერი წარწერა, სადაც არ დაიტანება ლოგო. თანმიმდევრული ვიზუალური ეფექტის მიღწევის ერთ-ერთი გზა პერსონალური შრიფტის შექმნაა, რომელიც გამოიყენება არა მხოლოდ ლოგოში, არამედ ბრენდის მთლიან მარკეტინგში.
8. ნუ იქნებით ძალიან ლიტერატურულები
არ არის აუცილებელი, ლოგოტიპი აჩენებდეს რითი არის კომპანია დაკავებული. სინამდვილეში, უკეთსია თუ ეს ასე არ არის, იმიტომ რომ რაც უფრო აბსტრაქტულია ნიშანი, მით უფრო მდგრადი შეიძლება აღმოჩნდეს იგი. ისტორიულად ისე ჩამოყალიბდა, რომ ძირძველი ლოგოები არ აჩვენებენ თუ რას აკეთბენ ისინი, თუმცა თქვენ, ჩვენ ყველამ ვიცით თუ რას საქმიანობენ. საზოგადოებისთვის უფრო მნიშვნელოვანი ხდება, როდესაც ასოციაცია შეიძლება შეიქმნას კომპანიის საქმიანობასა და მისი ნიშნის ფორმასა და ფერს შორის.
9. გახსოვდეთ, რომ სიმბოლოები არასავალდებულოა
ხშირად სიტყვებს მორგებული სახელწოდება ეხმარება, განსაკუთრებით თუ კომპანიის სახელი უნიკალურია, მაგალითად, Google, Mobil ან Pirelli. მაგრამ ლოგოს ვარიაცია, რომელიც მცირე ზომის ფარგლებში მუშაობს, ყოველთვის დაგეხმარებათ შექმნათ უნიკალური ფორმები. ეს შეიძლება იყოს ისეთივე მარტივი, როგორც სიტყვაში ასოს ამოღება და მის მაგივრად სიმბოლოს გამოყენება როგორც დიზაინის მეორადი ელემენტი (სიტყვის ნიშანი, შემდეგ სიმბოლო)
არ ცდუნდეთ და არ გადააჭარბოთ თქვენი დიზაინის მხოლოდ იმიტომ, რომ აქცენტი გაკეთებულია ასოებზე.როგორ იკითხება არის ძალიან მნიშვნელოვანი ნებისმიერი სიტყვის ნიშნისთვის და თქვენს პრეზენტაციებში უნდა ნახოთ თუ როგორ მუშაობს თქვენი დიზაინი ყველა ზომაში და ფრომაში.
10. შეძელით ადამიანების გაღიმება
თქვენს საქმეში გამჭრიახობის დამატება არამარტო უფრო სახალისოს გახდის, არამედ თქვენს კლიენტს კიდევ უფრო მეტ წარმატებას მოუტანს. ეს რა თქმა უნდა არ იქნება შესაფერისი ყველა პროფესიისთვის, როგორიცაა იარაღის მწარმოებლები და თამბაქოს კომპანიები, მაგრამ ეს კიდევ სხვა საკითხია, თუ გადაწყვეტთ ამ კომპანიებთან თანამშრომლობას. ნაკლებად საკამათოა იურიდიული და ფინანსური სექტორები, რომლებიც ცარიელი და სტერილური ბრენდინგის საშუალებით ივსებიან და ყველა ერთმანეთს ჰგავს. ასეთი კლიენტებისთვის გარკვეული იუმორის დამატება, რომელიც არ დააკარგვინებს სერიოზულობას და საქმიან შთაბეჭდილებას, საკმაოდ შრომატევადი და ძნელად მიღწევადია, თუმცა კარგ დიზაინერებს მსგავსი პროექტები წარმატებით განუხორციელებიათ.
ამასთან აუცილებელია ბალანსის დაცვა. თუ ძალიან ღრმად შეტოპავთ, თქვენ რისკავთ დაკარგოთ პოტენციური კლიენტები. მაგრამ მიუხედავად იმისა, თუ რა სახის კომპანიაა, ადამიანები საქმეს იჭერენ ადამიანებთან, ამიტომ ადამიანურ ემოციურ მხარეს თქვენს მუშობაში ყოველთვის დიდი მნიშვნელობა და გავლენა ექნება.